Anews.az Report-a istinadən xəbər verir ki, bunu mədəniyyət və turizm nazirinin müavini Nazim Səmədov bildirib.

"Bu il çimərlik turizmi ilə bağlı müsbət nəticəyə gələ bilmədik. Artıq Bakı şəhər İcra Hakimiyyəti tərəfindən Nardaran qəsəbəsinə yaxın ərazidə 2 km-lik yer ayrılıb. Potensial investorlarla yaxın günlərdə işlər başlanacaq. Gələn mövsümə hazırlanmasını istəyirik. Bu çimərlik klasterinin yaradılması digər çimərliklər üçün də nümunə ola bilər", - deyə nazir müavini əlavə edib.

N.Səmədov qeyd edib ki, hazırda turizm sektorunda 43 mindən çox adam çalışır. Ümumilikdə, mədəniyyət və turizm sektorunda 100 minlik işçi heyəti mövcuddur.