edu.ann.az Bakının daha beş məktəbində - FOTOLAR

Layihənin məqsədi şagirdlərin ədəbiyyat dərslərində verilən sinifdən xaric qiraət vasitələri ilə təmin olunması və onların asudə vaxtlarının səmərəli keçirilməsinin təşkil olunmasıdır. "edu.ann.az” saytı vasitəsi ilə 5-11-ci sinif şagirdləri onlara tapşırılan əlavə ədəbiyyat materiallarını kitabxanaya getmədən, qısa bir zamanda əldə edə biləcəklər.

Təqdimatlar Xətai rayonu 204 nömrəli tam orta məktəbdə, Nəsimi rayon 5 nömrəli tam orta məktəbdə, Suraxanı rayon 285 nömrəli tam orta məktəbdə, Binəqədi rayon 246 saylı tam orta məktəbdə və Nizami rayon 12 nömrəli tam orta məktəbdə keçirilib. Təqdimatlarda iştirakçılar "edu.ann.az” saytı barəsində məlumatlandırılıb, müəllimlərin təklifləri dinlənilib və məktəblilərin sualları cavablandırılıb.

Sözü gedən layihə Nizami rayon 12 nömrəli məktəbin rəhbərliyi tərəfindən bəyənilib və  rəhbərlik tərəfindən təqdimat mərasimində iştirak edə bilməyən şagirdlər üçün "edu.ann.az” saytının təqdimatının yenidən keçirilməsi ilə bağlı təkliflər verilib.

Xatırladaq ki, Azərbaycan Respublikası Təhsil Nazirliyi və Bakı Şəhər Təhsil İdarəsinin dəstəyi ilə ANN.az xəbər portalının hazırladığı "edu.ann.az” elektron kitab portalının təqdimatına 8 aprel 2016-cı il tarixində başlanılmışdır.

Nəzərinizə çatdırırıq ki, "edu.ann.az” layihəsi çərçivəsində həyata keçirilən tədbirlərin Bakı şəhərinin digər ümumtəhsil məktəblərində də baş tutması planlaşdırılır.