Gədəbəy rayon Məhkəməsində özbaşınalıq - İDDİA

"Gədəbəy rayon Məhkəməsi saxta qətmanə çıxararaq nəvəmə bağışladığım torpaq sahəsini əlimizdən alınmasına şərait yaradır", bunu   Lyubov Alekseyevna Hüseynova anews.az-a şikayətində  bildirib.

"Biz keçmişdə buraya gələn ruslardanıq.  Uzun illərdi Gədəbəy rayon Novosaratovka kəndində yaşayırıq.  Həmin kənddə mənə məxsus olan torpaq sahəsini və mülkümü nəvəmə bağışlamışam. Ümumiyyətlə burda yaşayışımız İbrahimov Vidadi Cahan oğlu qonşuluqda yaşayan gəlmə rusun mülkünü alana kimi yaxşı idi. Həmin şəxs mülkü alandan sonra zülmətli günlərimiz başladı. İki mərtəbəli villasını tikərkən arxa pəncərələr qoydurdu. Pəncərələrdən bizim həyət görünür və işıqları evimizin içinə düşdüyünə görə  etiraz etsəkdə heç nə dəyişmədi. Bundan başqa bizim torpağımızı əlimizdən almağa çalışdı və buna nail olmaq üçün Gədəbəy rayon Məhkəməsində saxta qətnamə çıxartdı.  Habluki həmin əraziyə dair İbrahimov Vidadi Cahan oğlunun heç bir sənədi yoxdu. Amma bizim aidiyyatı qurumlardan bütün sənədlərimiz var” – deyə Hüseynova bildirir.

 

O, qeyd edir ki, Gədəbəy rayon Məhkəməsinin hakimi  Marif Kazımov  bizə məxsus yerə saxta qətmanə çıxarıb. İkinci saxtalıq odur ki,  Vidadi İbrahimov ilə bizim aramızda başqa bir iş üzrə Gəncə İnzibati-İqtisad Məhkəməsində proses getdiyinə baxmayaraq Marif  Kazımov Gədəbəy rayon Məhkəməsində də bizim digər bir işlə bağlı prosesə başlamışdı. Prosesi dayandırması üçün Gəncə İnzibati-İqtisad Məhkəməsindən lazımi sənədi təqdim etsəkdə əhəmiyyət vermədi.

 

Məsələ ilə bağlı Gədəbəy rayon Məhkəməsi ilə əlaqə saxladıq. Ordan bildirdilər ki,  iş  Gəncə Apellyasiya Məhkəməsindədi.

 

Qarşı tərəfin fikrini bildirməyə hazırıq.