Ermənistan baş naziri Nikol Paşinyan inanmır ki, hərbi əməliyyatların yenidən başlanması ilə bağlı real təhlükə yarandıqda Rusiya müdaxilə etməyəcək.
"Sputnik Ermənistan” xəbər verir ki, o, bununla bağlı keçirdiyi mətbuat konfransında danışıb.
Paşinyanın sözlərinə görə, regionda müharibə təhlükəsi hələ də var və buna hər zaman hazır olmaq lazımdır. Ancaq Paşinyan Rusiya faktorunu unutmamağa çağırıb.
"Düşünürəm ki, biz hamımız başa düşürük ki, Rusiya Federasiyası super güc kimi bölgəmizdə müharibənin yenidən başlamasına qarşıdır. Mən təkrar edə bilərəm ki, Rusiya Ermənistanın dostu və strateji tərəfdaşıdır və regionda hərbi əməliyyatlara imkan verməyəcək. ”, - o bildirib.
www.anews.az
Bizi sosial şəbəkələrdə izləyin !
