Ticarət müharibəsinə Hindistan da qoşuldu

Dünya 22-06-2018 23:15
Ticarət müharibəsinə Hindistan da qoşuldu
Hindistan Avropa Birliyinin və digər ticarət tərəfdaşlarının ABŞ-a qarşı tədbirlər planına qoşulub. 

Oxu.Az "The Washington Post” nəşrinə istinadla xəbər verir ki, Dehli bəzi ABŞ mallarına, xüsusən də badam, alma və bəzi metal məhsullarına idxal rüsumlarını artırıb.

Yeni tariflər avqustun 4-dən qüvvəyə minəcək. 

Hindistan hökuməti bundan əvvəl ABŞ-ın polad və alüminiuma qarşı tətbiq etdiyi rüsumlardan azad olmaq niyyətini açıqlamışdı. 

İyunun 14-də Hindistan Beynəlxalq Ticarət Təşkilatını ABŞ-dan idxal olunan bəzi malların idxal rüsumunu artıracağı ilə bağlı xəbərdar etmişdi.

www.anews.az