Vağzalda kassa böhranı - VİDEO
25.12.2015 20:26
Bu gün saat 16 radələrindən dəmir yolu kassaları işini dayandırıb.
Bu gün günorta saatlarından başlayaraq Azərbaycan Dəmir Yolları Qapalı Səhmdar Cəmiyyətinin (QSC) kassalarında bilet satışı dayandırılıb.
Sərnişinlərin ANS PRESS-ə verdiyi məlumata görə, bilet satışının dayanması kassaların qarşısında izdiham yaranmasına səbəb olub. Şəmkir rayonuna getmək üçün bilet almaq istəyən Hikmət Əzizovun verdiyi məlumata görə, kassadan buna səbəb kimi internetdə yaranmış problem göstərilir.
"Hazırda mənim kimi çox sayda insan rayona getmək üçün dəmiryol kassalarının qarşısında növbə gözləyir. Bilet satışının internetdə yaranan problem aradan qaldırıldıqdan sonra bərpa ediləcəyi bildirilir. Ancaq hazırda mənim kimi hər kəs soyuqda bilet satışının bərpa ediləcəyini gözləyir. Axşam vaxtı olduğunu və insanların getdikcə daha da çoxalacağını düşünsək, bir azdan burada hansı vəziyyətin olacağını düşünmək çətin deyil. Hazırda da kassalar qarşısında gözləyənlərin sayı artır”, - deyə Hikmət Əzizov bildirdi.
Azərbaycan Dəmir Yolları Qapalı Səhmdar Cəmiyyətinin sərnişin daşıma departamentinin rəhbəri Elyar Muradov ANS PRESS-ə bildirib ki, proqram təminatına edilən dəyişikliyə görə, bilet satışlarında problemlər yaşanır. Qısa zaman ərzində biletlərin satışı bərpa ediləcək.
Azərbaycan Dəmir Yolları Qapalı Səhmdar Cəmiyyətinin Bakıdakı kassalarından görüntülər:
www.ann.az
Oxşar xəbərlər
Oxşar xəbərlər
Foto 
Video 
