Xezerxeber.az-ın məlumatına görə, bir müddət əvvəl Yasamal rayon İcra Hakimiyyətinin əməkdaşları eyvanı mərkəzi küçə və prospekə baxan sakinlərə paltar asmağı qadağan etsə də, buna məhəl qoyan yoxdur. Bu səbəbdən də rayon polis idarəsinin və ərazi üzrə mənzil istisimar sahəsinin əməkdaşları birgə reyd keçirərək eyvanlardan paltar iplərini söküblər.
64 saylı Mənzil İstisimar Sahəsinin rəisi Sədulla Abıyev bildirib ki, paltar iplərinin yığışdırılmasının səbəbi binaların ümumi görünüşünə xələl gətirilməsi ilə əlaqədardır. Onun sözlərinə görə, paltarı qurutmaq üçün alternativ vasitələr var və bunlardan istifadə şəhərdə xoşagəlməz görüntünün qarşısını almaqda daha effektli olar.
Qeyd edək ki, bu gün ərzində Yasamal rayonunda polisin də iştrakı ilə İnşaatçılar, Nərimanov, Hüseyn Cavid prospektlərində, M.Müşfiq və H.B.Zərdabi küçələrində 50-dən çox binada paltar qurutmaq üçün asılan iplər kəsilib, sakinlərə bir daha xəbərdarlıq edilib.
Polis əməkdaşları Mikayıl Müşfiq küçəsində icazəsiz reklam lövhələrini də yığışdırıb. Həmin lövhələri qoyan obyekt sahiblərinə isə ciddi xəbərdarlıq edilib.
Yasamal rayon polisi idarəsinin əməkdaşları aidiyyatı qurumlarla birgə bu cür tədbirləri mütəmadi olaraq aparacaq.
www.anews.az
Bizi sosial şəbəkələrdə izləyin !