2023-cü ilin on ayında Azərbaycanda neft-qaz sektorunda məhsul istehsalı 2,4 % azalıb, qeyri neft-qaz sektorunda isə 7,4 % artıb. Bu barədə Dövlət Statistika Komitəsi məlumat yayıb.
Bildirilir ki, cari ilin yanvar-oktaybrında sənaye müəssisələri və bu sahədə fəaliyyət göstərən fərdi sahibkarlar tərəfindən 55,6 milyard manatlıq və ya 2022-ci ilin müvafiq dövrü ilə müqayisədə 1,6 % az sənaye məhsulu istehsal edilib.
Sənaye məhsulunun 68,1 %-i mədənçıxarma sektorunda, 26,6 %-i emal sektorunda, 4,4 %-i elektrik enerjisi, qaz və buxar istehsalı, bölüşdürülməsi və təchizatı sektorunda, 0,9 %-i isə su təchizatı, tullantıların təmizlənməsi və emalı sektorunda istehsal olunub.
Mədənçıxarma sektorunda əmtəəlik neft hasilatı 8,1 % azalıb, əmtəəlik qaz hasilatı isə 3,6 % artıb.
Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 2,2 %, su təchizatı, tullantıların təmizlənməsi və emalı sektorunda isə 14,9 % artıb.
2022-ci ildə Azərbaycanda elektrik enerjisi, qaz və buxar istehsalı, bölüşdürülməsi və təchizatı sektorunda 2 930,9 milyon manat dəyərində məhsul istehsal olunub və xidmətlər göstərilib, əvvəlki illə müqayisədə 2,3%-lik artım müşahidə olunub.
2022-ci ildə su təchizatı, tullantıların təmizlənməsi və emalı sektorunda istehsal edilmiş məhsulların həcmi 502,9 milyon manat təşkil edib, bu da illik müqayisədə 48,4% artım deməkdir.
2022-ci ildə su təchizatı, tullantıların təmizlənməsi və emalı sektorunda istehsal edilmiş məhsulların həcmi 502,9 milyon manat təşkil edib, bu da illik müqayisədə 48,4% artım deməkdir.
Aytac Zeynalova
www.anews.az
Bizi sosial şəbəkələrdə izləyin !
