«Qadın Liderliyi Uğrunda» İctimai Birliyi Azərbaycanın 100 intellektual xanımına sertifikat təqdim edib.

Bu sertifikat Birliyin "Azərbaycanda insan kapitalının inkişafı uğrunda: Qadınlar üçün intellektual klubun yaradılması" layihəsi çərçivəsində keçilmiş kursu uğurla başa vurmaq haqqındadır. 

Sözügedən kursda intellektual xanımlara "Karyera quruculuğu, liderlik texnologiyaları, menecerlik, natiqlik, nüfuzetmə, komanda quruculuğu və PR-ın təşkili" istiqamətlərində interaktiv təlimlər keçilib. Kursa qatılan 105 nəfərdən 100-ü bütün təlimlərdə iştirak edib və verilən tapşırıqları uğurla yerinə yetirib. Təlimlər zamanı xanımlara mövzu ilə əlaqədar ABŞ və Avropada geniş tətbiq edilən müasir texnologiyalar tədris edilib.      

Qeyd edək ki, sözügedən layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə həyata keçirilir. Layihə ölkədəki intellektual qadınların inkişafını, ictimai-siyasi həyata fəal inteqrasiyasını, dünyadakı qadınlarla rəqabətdə irəli çıxması üçün təşkilatlanması və maarifləndirilməsini hədəfləyir.

Məqsəd ölkənin intellektual qadın potensialını vahid mərkəzə toplayaraq, onları müvafiq istiqamətlərdə maarifləndirərək ölkəmiz və xalqımız üçün faydalı olacaq qüvvəyə çevirməkdir. 

ANN.Az