"Sinifdə dərs deməyə müəllim yoxdur. Direktora şikayətə gedəndə bildirdi ki, müəllimə sertifikasiya imtahanı vermədiyi üçün işdən çıxarılıb. Hələlik başqa müəllim də yoxdur. İndi uşaqlarımız müəllimsiz qalıb və növbəli şəkildə əvəzedici müəllimlər uşaqlara müvəqqəti dərs keçir", - valideynlər deyib. 

 

Etiraz edən valideynlər söyləyir ki, buna görə uşaqları məktəbə qoymaqdan imtina ediblər. 

 

167 saylı məktəblə əlaqə saxladıq. Məktəbin direktor müavini Rəmziyyə mövsümova anews.az-a açıqlamasında vurğuladı ki, hadisə 3 F sinifdə baş verib və müəllim imtahandan kəsilməyib, sadəcə öz ərizəsi ilə işdən çıxıb. 

 

"Həmin sinifin uşaqlarını müvəqqəti olaraq ikinci növbə dərs proqramına keçirmişik. Onlara səhər növbəsində olan ibtidai sinif müəllimlərindən biri dərs keçir. Yaxın zamanda nazirlik tərəfindən həmin sinifə müəllim təyin olunacaq", - direktor müavini deyib. 

 

Bakı Təhsil İdarəsindən bildirib ki, 167 nömrəli tam orta məktəbin 3f sinfinə müəllim təyin olunub.

 

Sentyabrın 4-də Elm və Təhsil Nazirliyinin ibtidai sinif müəllmləri üçün nəzərdə tutulan sertfikasiya imtahanında ikinci dəfə iştirak edib keçid balını toplaya bilməyən 743 müəllimin əmək müqaviləsinə xitam verilib. Nazirlik hələlik həmin müəllimlərin yerinə müəllim göndərilməsi ilə bağlı hər hansı açıqlama verməyib. 

 

Ümumilikdə sertifikatlaşdırmanın test imtahanı mərhələsinə 28 000-dən çox təhsilverən dəvət olunub.
 
İmtahanda minumum bal 50, maksimum bal isə 60 bal nəzərdə tutulub.
 
Gülnar Nazimqızı