Yanvarın 15-də sərbəst güləş üzrə 20 Yanvar şəhidi Müşviq İsayevin xatirə turniri keçiriləcək.
"Report"un Azərbaycan Güləş Federasiyasının rəsmi saytına istinadən verdiyi məlumata görə, Bakı İdman Sarayında baş tutacaq yarışda 2003-2004-cü il təvəllüdlü yeniyetmə güləşçilər mübarizə aparacaq.
Gənclər və İdman Nazirliyi, Milli Olimpiya Komitəsi və Azərbaycan Güləş Federasiyasının təşkilatçılığı ilə reallaşacaq Memorialın keçirilməsində məqsəd Müşviq İsayevin xatirəsini yad etməklə yanaşı, yeniyetmələr arasında sərbəst güləşin inkişafına və kütləviliyə nail olmaq, ölkədə güləşin bu növü üzrə perspektivli idmançıları aşkar etməkdən ibarətdir.
Qeyd edək ki, sabah Bakı İdman Sarayında hakimlərin və məşqçilərin seminarı baş tutacaq. Bundan sonra isə püşkatma mərasimi keçiriləcək.
www.anews.az
Bizi sosial şəbəkələrdə izləyin !