Ekologiya və Təbii Sərvətlər Nazirliyinin Milli Hidrometeorologiya Departamentindən ANS PRESS-ə verilən məlumata görə, mayın 2-də Bakıda və Abşeron yarımadasında hava dəyişkən buludlu, əsasən yağmursuz olacaq. Şimal küləyi əsəcək.
Havanın temperaturunun gecə 8-13˚, gündüz 19-24˚ isti olacağı gözlənilir.
Azərbaycanın rayonlarında hava əsasən yağmursuz olacaq. Lakin axşama doğru bəzi dağlıq və dağətəyi rayonlarda şimşək çaxacaq, qısamüddətli yağış yağacaq, ayrı-ayrı yerlərdə duman olacaq. Qərb küləyi əsəcək, arabir güclənəcək.
Havanın temperaturunun gecə 11-16˚, gündüz 23-28˚, dağlıq ərazilərdə gecə 6-11˚, gündüz 14-19˚ isti olacağı gözlənilir.
Bizi sosial şəbəkələrdə izləyin !
