Demək olar ki, Azərbaycanın əsas bankları müxtəlif hava nəqliyyatı şirkətləri birlikdə layihə həyata keçirir, "pulsuz uçuş” adı altında müştəri cəlb edir. İlk başdan poztiv görünən bu təklif, sonradan bir çox insanın xəyal qırıqlığına səbəb olur.
Belə ki, müsabiqənin şərtlərinə uyğun olaraq, lazım olan qədər millər toplanır, pulsuz uçuş üçün hava nəqliyyatı şirkətinə təqdim edildikdə, məlum olur ki, əslində bu qanuni dələduzluq imiş.
Redaksiyamıza müraciət edən, kimliyinin bilinməsini istəməyən bir şikayətçi isə, AZAL Miles proqramı çərçivəsində mil topladığını, sonradan bunun qanuni dələduzluq olduğunu anladığını deyir.
AZAL Miles "Premium” bankla birlikdə bonus proqramı çərçivəsində "Azərbaycan Hava Yolları"-nın (AZAL) reyslərində sərnişinlərə pulsuz uçuşlar təqdim edən bir layihədir.
Proqram çərçivəsində, siz "Premium” bankdan əldə etdiyiniz kartla hər nağdsiz ödəniş etdikdə, millər qazanırsınız və bu millər AZAL Milesin nəzərdə tutduğu kvotaya çatdıqda, pulsuz bilet əldə edirsiniz.
"Premium Bank”ın təklif etdiyi "AZAL Miles” fəqrli sayda millər qazandıran "Standard", "Gold" və "Premium” versiyalardadır. "Standard" versiya mil kartlar 40 və 50 manata, "Gold" mil kartlar 100 və 120 manata, "Premium” mil kartlar isə 200 və 250 manatadır. Kartlar 2 illik və 3 illikdir.
Hər dövrüyəyə görə isə, verilən millər bu qədərdir:
Şikayətçi deyir ki, lazım olan qədər mil topladıqdan sonra, pulsuz bilet əldə etmək üçün AZAL-a müraciət edib. AZAL isə, digər xərclər üçün ondan az qala biletin öz qiymətinə uyğun pul istəyib.
Onun sözlərinə görə, o, bundan sonra proqramdan imtina edib.
"Mən 2 il yarım bundan əvvəldən millər toplamağa başladım. Göstərilən kvotaya uyğun olaraq, millər topladım. Milləri topladıqdan sonra bilet üçün AZAL-a müraciət edəndə, məlumat oldu ki, əlavə xərclər üçün də xeyli miqdarda pul ödəməliyəm və bu normal uçuşla demək olar ki, eyni qiymətdir. Başqa bir problem, millərdən 2 il ərzində istifadə etmədikdə, millərin balansdan silinməsidir. Mən millərin hamısı silinməsin deyə, məcbur Gəncəyə getdim. Buna görə də, 100 manatdan çox ziyana düşdüm. Ümumilikdə bu layihə yararsız, əslində çox ziyanlıdır”, - deyə şikayətçi bildirib.
"Azərbaycan Hava Yolları” QSC-nin (AZAL) prezidentinin ictimaiyyətlə əlaqələr üzrə köməkçisi Paşa Kəsəmənski isə bildirib ki, müsabiqənin şərtləri saytda qeyd olunub. Oxuyub şərtləri qəbul etdikdən sonra müsabiqəyə qoşulmaq lazımdır.
Onun sözlərinə görə, müsabiqənin şərtlərində də qeyd olunub ki, hava limanı yığımları və əlavə xərclər istisna olmaqla.
"Hər kəs müsabiqənin şərtlərini oxuyub qoşulur. Şərtləri qəbul etdikdən sonra iştirakçı olur. Millərin 2 il ərzində silinməsi də, hava limanı yığımları və əlavə xərclər də saytda qeyd olunub. Şərtləri oxuyub qəbul etdikdən sonra proqrama qoşulmaq lazımdır”, - deyə "Azərbaycan Hava Yolları” QSC-nin (AZAL) prezidentinin ictimaiyyətlə əlaqələr üzrə köməkçisi Paşa Kəsəmənski bildirib.
Həzi
www.anews.az
Bizi sosial şəbəkələrdə izləyin !
