Ermənistanda qızılcaya yoluxanların sayı 85 nəfərə çatıb. Bu barədə "Sputnik Armenia” Səhiyyə Nazirliyinin mətbuat xidməti məlumat verib.
Bildirilir ki, 85 nəfərdən 7-si xəstəxanaya yerləşdirilib, 36-sı ev şəraitində müalicə olunub, 42-si tibb müəssisələrindən buraxılıb.
Xəstəxanaya yerləşdirilən 7 nəfərin müalicəsi davam etdirilir, vəziyyətləri orta ağırdır.
Sonunsu statistik məlumata görə, martın 13-də xəstələrin ümumi sayı 50 olub.
Rəsmi rəqəmlərə görə yoluxanların 57-si uşaqdır.
Hazırda Avropa regionunda qızılca xəstəliyinə yoluxma hallarının sayında kəskin artım müşahidə edilir. Bu barədə ÜST-ün Azərbaycandakı nümayəndəliyindən məlumat verilib.
Belə ki, 2021-ci ildə əgər 159 qızılcaya yoluxma halı qeydə alınmışdırsa, 2022-ci ildə bu say 904-ə çatıb.
ÜST-ün Azərbaycandakı nümayəndəliyi qızılca və digər peyvəndlə qarşısı alına bilən xəstəliklərin yayılmasını önləmək məqsədilə ölkələri uşaqlar da daxil olmaqla peyvənddən kənarda qalmış şəxslərin immunizasiya olunması üçün yerli tədbirləri gücləndirməyə çağırıb.
2019-cü ilin iyulundan başlayaraq Azərbaycanda qızılca xəstəliyi qeydə alınmayıb.
Belə ki, 2021-ci ildə əgər 159 qızılcaya yoluxma halı qeydə alınmışdırsa, 2022-ci ildə bu say 904-ə çatıb.
ÜST-ün Azərbaycandakı nümayəndəliyi qızılca və digər peyvəndlə qarşısı alına bilən xəstəliklərin yayılmasını önləmək məqsədilə ölkələri uşaqlar da daxil olmaqla peyvənddən kənarda qalmış şəxslərin immunizasiya olunması üçün yerli tədbirləri gücləndirməyə çağırıb.
2019-cü ilin iyulundan başlayaraq Azərbaycanda qızılca xəstəliyi qeydə alınmayıb.
Hazırda Azərbaycanda uşaqların yoluxucu xəstəliklərdən qorunması üçün, 11 infeksiyaya qarşı peyvənd aparılır. Peyvənd təqviminə əsasən qızılca əleyhinə QPM vaksini ilə (qızılca-parotit-məxmərək əleyhinə) peyvəndlər uşaqların 12 aylığında və 6 yaşı tamam olduqda aparılır
Zinyət Mehtiyeva
www.anews.az
Bizi sosial şəbəkələrdə izləyin !
