Bakı-Tbilisi-Ceyhan (BTC) boru kəməri ilə nəql edilən neftin ümumi həcmi 4,3 milyard barel təşkil edib. Bunu BP-nin regional maliyyə direktoru Kolin Alan bildirib.
"BTC yarandığı gündən bu kəmərlə 4,3 milyard barel neft nəql edilib", -Alan Bakıda Neft Mühəndisləri Cəmiyyətinin (SPE) Xəzər regionunda keçirilən 10-cu texniki konfransında deyib.
Onun sözlərinə görə, BTC ilə Azərbaycan neftindən əlavə, Qazaxıstan və Türkmənistan yataqlarından hasil edilən nefti də nəql olunub.
Hazırda BTC neft kəməri ilə "Azəri-Çıraq-Günəşli” yataqlar blokundan hasil edilən neft və "Şahdəniz” yatağından çıxarılan qaz kondensatı nəql edilir. BTC ilə həmçinin Xəzər dənizi regionunun bir sıra digər ölkələrindən hasil edilən neft nəql edilir.
2023-cü ilin 10 ayı ərzində BTC kəməri ilə vurulan neftin həcmi 25 milyon 172,5 min ton (artım 3%), o cümlədən tranzit nefti 4 milyon 270,3 min ton (artım 3,4 faiz) təşkil edib.
BTC neft kəmərinin uzunluğu 1,768 min km-dir ki, bunun da 443 kilometri Azərbaycan, 2 kilometri isə Gürcüstan ərazisindən keçir.
N.Təbrizli
www.anews.az
Bizi sosial şəbəkələrdə izləyin !