Avropa Birliyi 2024-cü ilin dünyada ən isti il kimi ola biləcəyini qeyd edib. Bu barədə Reuters agentliyi məlumat yayıb.
Avropa Birliyinin İqlim Dəyişikliyi Xidməti bildirir ki, (Copernicus C3S) 2023-cü ilin iyun ayından etibarən hər ay rekordlar qeydə alındıqdan sonra planetin ən isti ayları olaraq sıralanır.
İqlim dəyişikliyi artıq 2024-cü ildə bütün dünyada fəlakətli nəticələrə gətirib çıxarıb.
Ötən ay həcc zamanı 1000-dən çox insan həddindən artıq istilərdən dünyasını dəyişib. İstidən ölüm halları misli görünməmiş dərəcədə uzanan isti dalğasının olduğu Yeni Dehlidə, eləcə də yunan turistlər arasında qeydə alınıb.
London İmperial Kollecindəki Grantham İnstitutunun iqlimşünası Friederike Otto, 2024-cü ilin ən isti il olacağı ilə bağlı "güclü ehtimalın" olduğunu söyləyib.
"El Nino hər zaman gələcək və gedəcək təbii bir hadisədir. Biz El Nino-nun qarşısını ala bilmərik, lakin neft, qaz və kömürün yanmasını dayandıra bilərik " o bildirib.
Sakit Okeanın şərqində səth sularını qızdıran El Nino təbiət hadisəsi orta qlobal temperaturun artmasına səbəb olur.
Bu təsir son aylarda zəifləyib və artıq ilin sonunda gözlənilən La Nina temperaturu ilə dünya neytral hava şəraiti yaşayır.
Qalıq yanacaqların yandırılması nəticəsində yaranan istixana qazı emissiyaları iqlim dəyişikliyinin əsas səbəbidir.
Qlobal istiləşməni cilovlamaq vədlərinə baxmayaraq, ölkələr indiyədək bu emissiyaları kollektiv şəkildə azaltmaqda uğursuzluğa düçar olub, nəticədə temperatur onilliklər ərzində davamlı olaraq yüksəlib.
İyunda başa çatan 12 ay ərzində dünyanın orta temperaturu istənilən dövr üçün ən yüksək olub, C3S-in məlumatına görə, sənayedən əvvəlki dövr üçün 1850-1900-cü illərin orta göstəricisindən 1,64 dərəcə yüksəkdir.
Gülnar
www.anews.az
Bizi sosial şəbəkələrdə izləyin !
