Sumqayıtda yanğın nəticəsində ana və övladları tüstüdən zəhərlənib. Bu barədə Fövqəladə Hallar Nazirliyindən bildirilib.
Hadisə 8-ci mikrorayonda baş verib.
Sumqayıt şəhər sakini, 1996-cı il təvəllüdlü Heydərova Nuranə Zahid qızının kirayə qaldığı ümumi sahəsi 70 kv.metr olan mənzilin 10 kv.metr hissəsi yanıb. Nəticədə qadın və övladları, 2015-ci il təvəllüdlü Cəbrayılov Nihad Ibrahim oğlu, 2018-ci il təvəllüdlü Cəbrayılov Renat İbrahim oğlu tüstüdən zəhərlənərək xəstəxanaya yerləşdiriliblər.
Fövqəladə Hallar Nazirliyindən (FHN) məlumata görə, Sumqayıt şəhərində beşmərtəbəli yaşayış binasının 5-ci mərtəbəsində ümumi sahəsi 70 m² olan 2 otaqlı mənzilin mətbəxinin yanar konstruksiyaları və ev əşyaları 10 m² sahədə yanıb.
Yüksək temperaturdan sanitar qovşağın lambirdən ibarət tavanı 6 m² sahədə və qapısı əriyib. Yanğın zamanı yanğınsöndürənlər tərəfindən 3 nəfər (2-si uşaq olmaqla) tüstüdən zəhərlənmə əlamətləri ilə xilas edilərək təcili tibbi yardım briqadasına təhvil verilib. Mənzilin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
www.anews.az
Bizi sosial şəbəkələrdə izləyin !