Gürcüstanda bu gün baş tutan seçkilərin ilkin rəsmi nəticəsi elan edilib.Bu barədə Gürcüstan Mərkəzi Seçki Komissiyasının saytında məlumat yerləşdirilib.
Bildirilib ki, hazırda səslərin 69,94%-i sayılıb. İndiki nəticələrə görə səslər belədir:
– Gürcü Arzusu – 52,98% (921 067 səs);
– "Birlik – Milli Hərəkat” ("Vahid Milli Hərəkat”, "Aqmaşenebeli Strategiyası”, "Avropa Gürcüstanı”) – 9,08% (170 442 səs);
– Dəyişiklik üçün Koalisiya ("Axali”, "Girçi – daha çox azadlıq”, "Droa”) – 11,99% (194 662 səs);
– Güclü Gürcüstan ("Gürcüstan üçün Lelo”, "Xalq üçün”, "Azadlıq Meydanı”, "Vətəndaşlar”) – 9,04% (157 143 səs);
– Gürcüstan üçün – 8,24% (143 289 səs).
Qalan partiyalar 5%-lik baryeri keçə bilməyiblər.
19:30
Gürcüstanda seçkilərdə seçici fəallığı 50,6 faiz olub.Bu barədə Gürcüstan Mərkəzi Seçki Komissiyasının saat 18.00-a olan məlumatında deyilir.
Bölgələr üzrə faiz bölgüsü aşağıdakı kimidir:
Sameqrelo-Zemo-Svaneti – 47,84%; Tbilisi – 52,42%; Kaxeti – 51,33%; Mtsxeta-Mtianeti – 51,93%; Kvemo Kartli – 42,29%; Şida Kartli – 50,67%; Samtsxe-Cavaxeti – 52,38%; Raça Leçxumi – 61,81%; İmereti -51,26%; Quriya – 53,74%; Acarıstan – 53,05%.
09:33
Gürcüstan Prezidenti Salome Zurabişvili Tbilisidə parlament seçkilərində səs verib.Bu barədə "Commersant.ge” məlumat yayıb.
"Mən yeni Gürcüstana, 22 il əvvəl gəldiyim Gürcüstana, əcdadlarımın dua etdiyi Gürcüstana səs verdim. Axşam hamımız qalib olacağıq. Uduzan olmayacaq, çünki Gürcüstan qalib gələcək!”, - Zurabişvili jurnalistlərə açıqlamasında deyib.
09:05
Gürcüstanda parlament seçkiləri keçirilir.
Səhər saat 8:00-da ölkə ərazisindəki bütün seçki məntəqələri səsvermə üçün açılıb.
Gürcüstan Mərkəzi Seçki Komissiyasının (MSK) sədri Giorgi Kalandarişvili bildirib ki, parlament seçkiləri ilə əlaqədar 3 min 111 seçki məntəqəsi açılıb. Bunlardan 3 min 44-ü Gürcüstandadır. Qalan 67-si isə 47 xarici ölkənin 53 şəhərində olacaq.
Seçkilərdə 3 milyon 508 min 294 seçici səs verə biləcək.Seçicilərin 95 min 910 nəfəri xarici ölkələrdə səs verəcəklər.
www.anews.az
Bizi sosial şəbəkələrdə izləyin !
