Dünən “28 May” metro stansiyasında bədbəxt hadisə baş verib.

“Qafqazinfo” day.az-a istinadən xəbər verir ki, 50-55 yaşlarında iki qadın pilləkənlərdən yıxılıblar, onlardan biri başından zədə alıb. 

Məsələ ondadır ki, stansiyada aparılan təmir işlərindən sonra pilləkən və döşəməyə vurulan qranit pilitələrin sürüşkən olması artıq bu kimi halların artmasına səbəb olub.

Bununla əlaqədar olaraq Bakı Metropoliteninə müraciət olunub və oradan bildirilib ki, onlar problemdən xəbərdardırlar və yaxın vaxtlarda bu cür halların qarşısını almaq üçün müəyyən ölçülər götürüləcək.

ANN.Az