2024-cü il yanvar-martında Azərbaycanda 2 min 500 iş yeri bağlanıb, 22 min 500 yeni iş yeri açılıb. Bu barədə Dövlət Statistika Komitəsinin hesabatında qeyd olunub.
2023-cü ilin birinci rübü ilə müqayisədə bağlanan iş yerlərinin sayı 40,5% azalıb, yeni açılan iş yerlərinin sayı isə 25,6% artıb.
Yaradılan iş yerlərinin 94,1%-i qeyri-dövlət sektorunun payına düşüb. İş yerlərinin 80%-i Bakıda, 1,7%-i Naxçıvanda, 18,3%-i digər rayonlarda açılıb.
Hesabat dövründə həmçinin bağlanan iş yerlərinin 53,5%-i qeyri-dövlət sektorunun payına düşüb.
İş yerlərinin 50,9% müəssisə və təşkilatların fəaliyyətlərinin dayandırılması, 49,1%-i isə fəaliyyət göstərən müəssisə və təşkilatlarda aparılan ixtisarla əlaqədar bağlanıb.
Aygün
www.anews.az
Bizi sosial şəbəkələrdə izləyin !
