"PASHA Bank Georgia bu il tərəfimizdən keçiriləcək CEO Lunch Tbilisi-nin sponsoru olmaqla yanaşı, Caspian Energy Georgia-nin fəaliyyətinin yenilənməsini dəstəkləyib və növbəti dəfə CEİBC ilə hazırkı əməkdaşlığın əhəmiyyətini vurğulayıb", - deyə Caspian European Club və Caspian American Club-un sədrinin birinci müavini və baş icraçı direktoru Telman Əliyev bildirib. O qeyd edib ki, sentyabrın 29-da keçiriləcək CEO Lunch Tbilisi-də Gürcüstanın baş naziri Georgi Kvirikaşvili və Azərbaycanın Gürcüstandakı fövqəladə və səlahiyyətli səfiri Dursun Həsənovun iştirakı planlaşdırılır. PASHA Bank Georgia-nın direktorlar şurasının sədri və baş icraçı direktoru Şahin Məmmədov tədbirin Gürcüstan ərazisində CEO Lunch və biznes-forum formatında təşkilinin əhəmiyyətini vurğulayaraq bildirib ki, bu, xarici sahibkarlarla işgüzar əlaqələrin, iqtisadi əməkdaşlığın genişlənməsinə kömək edəcək. "Biz Caspian European Club-un fəaliyyətini və Klubun keçirdiyi tədbirləri yüksək qiymətləndiririk. Əminik ki, Caspian Energy Georgia Azərbaycan və Gürcüstanın biznes dairələrini yeni səviyyəyə çıxara biləcək, - deyə Şahin Məmmədov çıxışına yekun vurub.

"CEO Lunch Baku-nun uğurlu təşkili, həmçinin Gürcüstan ərazisindəki partnyorlarımızın və biznesmenlərin çoxsaylı müraciəti CEO Lunch Tbilisi tədbirinin keçirilməsinə təkan verdi", - deyə Telman Əliyev əlavə edib. İlk CEO Lunch Tbilisi 2017-ci il sentyabrın 29-da təşkil olunacaq və hər ayın sonuncu cümə günü keçiriləcək. Növbəti CEO Lunch Tbilisi oktyabrın 27-də və noyabrın 24-də baş tutacaq. 

Aparıcı "networking" alətlərindən olan CEO Lunch şirkət rəhbərlərinin və dövlət qurumlarının nümayəndələrinin qeyri-rəsmi şəraitdə ünsiyyəti üçün imkanların yaradılması və yeni əlaqələrin qurulması məqsədilə keçirilir. İştirak üçün qeydiyyat: //www.caspianenergy.org/index.php/ceo-lunch PASHA Bank Azərbaycan, Gürcüstan və Türkiyədə fəaliyyət göstərən regional maliyyə institutudur. PASHA Bank iri və orta sahibkarlıq üçün bütün əsas korporativ və investisiya bankinq xidmətləri göstərir. Müştərilərə böyük diqqət göstərən PASHA Bank Georgia korporativ bank xidməti üzrə ixtisaslaşıb. PASHA Bank həm müstəqil, həm də iri bank sindikatları çərçivəsində hər bir müştərinin tələblərini və imkanlarını nəzərə alaraq, sürətli xidmət, rəqabətli faizli yatırımlar və fərdi bank xidmətləri göstərir.