Rusiya Ukraynanın 60 hərbçisini azad edib. Bu barədə Ukrayna Prezident Aparatının rəhbəri Andrey Yermakın Telegram kanalında məlumat yayıb.
Əsirlikdən qaytarılan hərbçilərin 15-i zabit, 45- isə sıravi əsgər olduğu bildirilir.
"Daha bir uğurlu əsir mübadiləsi apardıq. Ukrayna Silahlı Qüvvələri günündə Silahlı Qüvvələrin, Milli Qvardiyanın, Dövlət Sərhəd Xidmətinin 60 əsgəri - 58 kişi və 2 qadın, 15 zabit və 45 sıravi əsgər-çavuş evinə qayıdır. Bu bayram günü ən gözəl xəbərdir, çünki qəhrəmanlar sağ olmalıdırlar”, - o vurğulayıb.
Əsirlikdən qaytarılanlar 60 nəfərdən 43-ü Mariupol, 14-ü isə "Azov" müdafiəçiləridir.
Əsirlikdən xilas olanların bəziləri yaralıdır.
Daha əvvəl dekabrın 1-də Rusiya əsirliyində olan 50 ukraynalı döyüşçü vətənə qayıdıb.
Noyabrın 23-də 35, noyabrın 24-də daha 50 ukraynalı hərbçir əsirlikdən geri qaytarılıb.
Noyabrın 26-da isə 12 ukraynalı Rusiyanın əsirliyindən azad edilib.
Aytac
www.anews.az
Bizi sosial şəbəkələrdə izləyin !