"Pensiya yaşına çatmağa az qalmış işçilərin ixtisarı yolu ilə işdən azad edilməsi və ya onların işə qəbul edilməsindən imtina olunmasının qarşısının alınması ilə bağlı xarici ölkələrin təcrübəsi əsas götürülməsini düzgün hesab edirəm. Əmək Məcəlləsinin 79-cu maddəsinə (Əmək müqaviləsinin ləğv edilməsi qadağan edilən işçilər və hallar) və İnzibati Xətalar Məcəlləsinin 192-ci maddəsinə (Əmək qanunvericiliyinin pozulması) müvafiq əlavə və dəyişiklərin edilməsini zəruri görürəm", - o deyib.

 

Əliyeva vurğulayıb ki,  "Sahibkarlıq sahəsində aparılan yoxlamaların dayandırılması haqqında” qanunun birinci maddəsində yoxlamaların aparılmasını istisna edən hallara  hüquq və azadlıqların pozulması halının da əlavə edilməsi zəruridir.

 

Əmək Məcəlləsinin 79-cu maddəsinə görə aşağıdakı şəxslərlə əmək müqaviləsinin ləğv edilməsi qadağandır:

1) hamilə, habelə üç yaşınadək uşağı olan qadınların, üç yaşınadək uşağını təkbaşına böyüdən kişilərin;
2) yeganə qazanc yeri işlədiyi müəssisə olub məktəb yaşınadək uşağını təkbaşına böyüdən işçilərin;
3) əmək qabiliyyətini müvəqqəti itirən işçilərin;
4) işçinin şəkərli diabetlə və ya dağınıq sklerozla xəstə olması səbəbinə görə;
5) həmkarlar ittifaqları təşkilatının və ya hər hansı siyasi partiyanın üzvü olması motivinə görə;
6) öhdəsində sağlamlıq imkanları məhdud 18 yaşınadək və ya I qrup əlil ailə üzvü olan işçilərin.

Yuxarıda göstərilən şəxslərlə yanaşı məzuniyyətdə, ezamiyyətdə olduğu vaxtda, o cümlədən kollektiv danışıqlarda iştirak etdiyi müddət ərzində işçilərin Məcəllənin 70-ci maddəsi ilə müəyyən edilmiş əsaslarla əmək müqaviləsinin ləğv edilməsi qadağandır.