8-ci sinif şagirdləri qəbirləri yararsız hala salıblar - DİN-dən açıqlama/Video
06.01.2025 10:37
Lənkəran Xolmili kənd məktəbinin 8-ci sinif şagirdləri həmin kənddə yerləşən qəbirstanlığa hücum edərək qəbirlərə qarşı qeyri-etik hərəkətlər ediblər. Bu barədə görüntülər anews.az-a daxil olan videoda qeyd olunub.
Belə ki, məktəblilər məktəbin yaxınlığında yerləşən qəbirstanlığa daxil olaraq qəbirləri yararsız hala salıblar.
Anews.az-ın əldə etdiyi məlumata görə bu hal ikinci dəfə baş verib.
Məsələ ilə bağlı DİN-in Mətbuat Xidmətinin Lənkəran regional qrupunun baş inspektoru Məhəmməd Rzayev anews.az-a açıqlamasında bildirib ki, baş verən hadisə ilə bağlı qəbul edilmiş qərar aidiyyəti üzrə Rayon İcra Hakimiyyəti yanında müvafiq komissiyaya göndəriləcək.
"Həmin əməli törədən azyaşlılar Lənkəran Şəhər Rayon Polis Şöbəsinin əməkdaşları tərəfindən müəyyən edilib. Valideynlər və pedaqoqların iştirakı ilə izahatları alınaraq araşdırma aparılıb. Cinayət məsuliyyətinə cəlb etməyə imkan verən yaş həddinə çatmadıqları üçün barələrində Cinayət işinin başlanması rədd edilib. Həmin azyaşlılarla profilaktiki söhbətlər aparılmaqla qəbul edilmiş qərar aidiyyəti üzrə Rayon İcra Hakimiyyəti yanında müvafiq komissiyaya göndəriləcək", - DİN rəsmisi bildirib.
Aytac Zeynalova
www.anews.az
Twitter
Bizi Twitterdə izləyin
Foto
Video
