ABB-nin tərəfdaşlığı ilə “Startup World Cup” yarışması keçiriləcək!
02.09.2024 16:40
20 sentyabr 2024-cü ildə ADA Universitetində
"Startup World Cup” yarışması təşkil olunacaq. Ölkəmizdə innovasiyalar
ekosisteminin inkişafına dəstək verən ABB də tədbirin əsas tərəfdaşlarındandır.
Dünyanın ən prestijli qlobal startap yarışmalarından sayılan "Startup World Cup”-ın
təşkilatçıları "Technovate Investments” və "Pegasus Tech Ventures”
şirkətləridir.
"Startup
World Cup” dünyanın ən yaxşı startaplarını bir araya gətirir. Onların qlobal
miqyasda tanınmasına imkan yaradır. Bu baxımdan, sözügedən yarışma gənc
sahibkarları və onların innovativ ideyalarını dəstəkləyən unikal platformadır.
Ölkəmizdə belə qlobal əhəmiyyətli tədbirlərin
keçirilməsi Azərbaycanın startap ekosisteminin inkişafına, bu sahədə faydalı
təcrübələrin formalaşmasına, gənc sahibkarlarımızın beynəlxalq arenada
tanınmasına xidmət edir.
"Startup World Cup” tədbirinə tərəfdaşlıq dəstəyi
ilə ABB yeni imkanların axtarışında olan gənc sahibkarların yanında olduğunu,
onların inkişafına hərtərəfli dəstəyini bir daha nümayiş etdirir.
www.anews.az
Foto 
Video 
