ABŞ dövlət katibi Mayk Pompeo İran hakimiyyətini ölkədə interneti bərpa etməyə çağırıb.
"Biz xalqa qarşı törədilən istənilən zorakılıq hərəkətlərini qətiyyətlə pisləyirik. Bir neçə nəfərin ölüm xəbərindən çox narahatıq. İran hakimiyyəti öz xalqına zor tətbiq etməyə son qoymalı və interneti bərpa etməlidir", - Pompeo jurnalistlərə açıqlamasında deyib.
Qeyd edək ki, İrandakı internet problemi barədə RİA "Novosti"nin Tehrandakı xüsusi müxbiri də məlumat verib. İnternet təhlili ilə məşğul olan qeyri-hökumət təşkilatı "Netblocks" isə İranda internetin tamamilə kəsildiyini bildirib.
İranın İnformasiya və Kommunikasiya Texnologiyaları Nazirliyi isə internetin Milli Təhlükəsizlik Şurasının qərarı əsasında kəsildiyini bəyan edib.
www.anews.az
Bizi sosial şəbəkələrdə izləyin !