Birləşmiş Ştatlar İraqda azı 23 iranlı dissidentin və hərbçilərin ölümünə gətirmiş raket hücumunu pisləyib. Hadisə oktyabrın 29-da Bağdadda baş verib. ABŞ İraqı hadisəyə görə məsuliyyət daşıyanları tapmağa çağırıb.
İraq polisinin məlumatına görə, keçmiş ABŞ bazası olmuş Camp Liberty-yə 15 raket atılıb. Bu baza Bağdad Beynəlxalq Aeroportunun yaxınlığında yerləşir. Həmin ərazidə İranın Mujahedeen-e-Khalq müxalifət qrupu mənzillənib.
Hücumda 3 iraqlı əsgər də həlak olub.
Hələlik hücuma görə məsuliyyəti üzərinə götürən olmayıb.
Mujahedeen-e-Khalq İran dini liderlərinin hakimiyyətdən getməsini istəyir.
ABŞ Dövlət katibi John Kerry də hücumu pisləyib, düşərgə ətrafında təhlükəsizliyi artırmağa çağırıb. /Azadliq.org
www.ann.az
Bizi sosial şəbəkələrdə izləyin !
