ABŞ İranın Rusiyaya dəstəyinə görə İsraili Ukraynaya yardımın həcmini artırmağa çağırıb. Bu barədə "Maariv” qəzetinin məlumatında bildirilib.
ABŞ dövlət katibi Antoni Blinken, baş nazir Benyamin Netanyahu, prezident Yitzhak Hersoq, xarici işlər naziri Eli Koen və müxalifət lideri Yair Lapid ilə görüşüb. Onlarla söhbətində o, Kiyevə dəstəyin vacibliyi mövzusunu qaldırıb.
"Rusiya öz növbəsində İranı müasir silahlarla təmin edir. Rusiyanın davam edən vəhşilikləri yalnız Ukraynanın bütün ehtiyaclarının - humanitar, iqtisadi və təhlükəsizliyin dəstəklənməsinin vacibliyini vurğulayır, çünki o, öz xalqını və mövcud olmaq hüququnu cəsarətlə müdafiə edir. Bu gün də müzakirə etdiyimiz mövzu bu olmalıdır",- ABŞ dövlət katibi Entoni Blinken Qüdsdə çıxışı zamanı deyib
2022-ci ilin oktyabrında İsrail Rusiyaya qarşı müharibə üçün Ukraynaya silah verməkdən rəsmən imtina edib.
Daha sonra ölkənin müdafiə naziri Benny Gantz Qüdsün Kiyevə yardım edəcəyini, lakin bunun hava hücumundan müdafiə olmayacağını vurğulayıb.
2023-cü il yanvarın 3-də İsrail Xarici İşlər Nazirliyinin yeni rəhbəri Eli Koen öz departamentinin Ukrayna məsələsində siyasətini dəyişəcəyini açıqlayıb.
Aytac Zeynalova
www.anews.az
Bizi sosial şəbəkələrdə izləyin !
