Vaşinqton Tayvana silah tədarükündə 18,7 milyard dollar geri qalır. Xüsusən də Vaşinqton Taypey üçün nəzərdə tutulan 215 "Stinger” zenit-raket kompleksindən, eləcə də 208 "Javelin” tank əleyhinə sistemlərdən heç birini adaya göndərməyib.
Qəzetin qeyd etdiyi kimi, Vaşinqton cari il ərzində təxminən 5 milyard dollara yaxın silah tədarük etməyib.
Fevralın 24-də Rusiya prezidenti Vladimir Putin Donbass respublikalarının rəhbərlərinin yardım xahişinə cavab olaraq Ukraynada xüsusi hərbi əməliyyat elan edib. Bundan sonra Qərb Rusiyaya qarşı irimiqyaslı sanksiyalar tətbiq etdi və Kiyevə silah tədarükünü milyardlarla dollar artırıb.
Tayvan 1949-cu ildən, Çan Kay-şek (1887-1975) başçılıq etdiyi Kuomintang qüvvələrinin qalıqları Çin vətəndaş müharibəsində məğlub olaraq adaya qaçdıqdan sonra öz administrasiyası tərəfindən idarə olunur. O vaxtdan bəri Tayvan kommunistlər hakimiyyətə gələnə qədər materikdə mövcud olan keçmiş Çin Respublikasının bayrağını və bəzi digər atributlarını qoruyub saxlayır. ÇXR-in əksər ölkələrin, o cümlədən Rusiya tərəfindən dəstəklənən rəsmi mövqeyinə görə, ada Çinin əyalətlərindən biridir.
Birləşmiş Ştatlar 1979-cu ildə Tayvanla diplomatik əlaqələri kəsərək ÇXR ilə əlaqələr qurdu. Vaşinqton "vahid Çin” siyasətini tanımaqla yanaşı, eyni zamanda Taypey administrasiyası ilə əlaqələri davam etdirir və adaya silah verir. 2020-ci ildə ABŞ-ın əvvəlki prezidenti Donald Trampın administrasiyası Honq-Konqdakı vəziyyətə görə Pekinlə münasibətlərin kəskinləşməsi fonunda Tayvanla təmasları və mübadilələri əhəmiyyətli dərəcədə intensivləşdirdi və bu, ÇXR hakimiyyətinin etirazına səbəb oldu. Nümayəndələr Palatasının sədri Nensi Pelosinin avqustun 2-3-də adaya səfərindən sonra Tayvan boğazı bölgəsində gərginlik ciddi şəkildə artıb.
Gülnar Nazimqızı
www.anews.az
Bizi sosial şəbəkələrdə izləyin !
