"Biz Azərbaycanla mühüm məsələlər üzrə dialoqu davam etdiririk. Azərbaycanla regional məsələlər, enerji, COP 29 ilə bağlı konstruktiv söhbətlər aparırıq. Əlbəttə müəyyən məsələlərdə fikir ayrılığımız ola bilər. Amma bu normaldır", - Mark Libby cümə axşamı bir qrup yerli jurnalistlərlə Azərbaycana səfir təyin ediləndən bəri keçirdiyi ilk görüşündə bildirib.
ABŞ Azərbaycanın müstəqilliyini ilk tanıyan ölkələrdən biri olsa da ötən ilin payızından ölkələr arasında müyyən gərginlik müşahidə edilməyə başlayıb. Belə ki, ABŞ dövlət katibinin Avropa və Avrasiya məsələləri üzrə köməkçisi Ceyms O`Brayn noyabrın 15-də Nümayəndələr Palatasının Xarici İşlər Komitəsinin Avropa üzrə alt komitəsinin dinləmələrdə Ermənistanla sülh sazişi imzalanmayana qədər Azərbaycanla münasibətlər əvvəlki kimi olmayacağını bildirib. Bundan dərhal sonra Azərbaycan Prezidentinin xarici əlaqələr üzrə köməkçisi Hikmət Hacıyev Azərbaycanın Vaşinqton platformasında Ermənistanla sülh danışıqlarının aparılmasının qeyri mümkün olduğunu bildirib.
Azərbaycan Xarici İşlər Nazirliyi noyabrın 20-də Vaşinqtonda Ermənistan xarici işlər naziri ilə keçirilməsi təklif olunan görüşlərindən imtina edib.
2023-cü ilin dekabrında O`Brayn Azərbaycana səfər edib.
O'Braynın bu səfərini şərh
edən ABŞ səfiri qeyd edib ki, bu səfər yalnız ilk addımdır, bir səfər ikitərəfli
münasibətlərdə hər şeyi bir anda dəyişə bilməz.
"Azərbaycan Amerika siyasətini çox tənqid
edib, Birləşmiş Ştatlar isə müxtəlif məsələlərlə bağlı narahatlığını bildirib.
Buna baxmayaraq, iki ölkənin bir çox ortaq strateji maraqları var və onlar əsasən
üst-üstə düşür. Azərbaycanın qonşuları
ilə sülh şəraitində yaşayan güclü və müstəqil dövlət olması ümumi maraqlara
uyğundur və Azərbaycan əhalisinin əksəriyyəti də bunu istəyir. Ona görə də
ABŞ-ın məqsədləri Ermənistanla tezliklə sülhün bağlanması üçün şərait yaratmaq
istəyi kimi formalaşa bilər”, - diplomat bildirib. Azərbaycanla Ermənistan arasında sülh müqaviləsinin bağlanması prioritet məsələdir.
Birləşmiş Ştatlar və Azərbaycan üçün Ermənistanla sülh sazişinin bağlanmasın "daha bir prioritet adlandıran” səfir bildirib ki, "son bir neçə ayda bununla bağlı müəyyən irəliləyişlərin və imkanların olması məni ruhlandırır”.
O həmçinin ABŞ-ın Azərbaycanın ərazi bütövlüyünü dəstəklədiyini də vurğulayıb.
"Biz heç nə tətbiq edə bilmərik, lakin sülh prosesini dəstəkləyə bilərik. Əgər kömək edə bilsək, bunu etməyə hazırıq", - Libbi deyib.
Son günlər Ermənistan-Azərbaycan sərhədində yaranmış vəziyyət
narahatlıq doğurur.
Fevralın 12-də Ermənistan silahlı qüvvələrinin
bölmələri Azərbaycan Dövlət Sərhəd Xidmətinin (DSX) Zəngilan rayonunun
Kolluqışlaq kəndi istiqamətində yerləşən mövqelərini atəşə tutub, nəticədə hərbçi
Pərviz Ağakişi oğlu Xəlilzadə xəsarət alıb.
Bununla bağlı Libby bildirib ki, bu hadisələr əsaslı
narahatlıq doğurur və hər iki tərəfin vəzifəsi gərginliyin qarşısını almaq və
münaqişənin uzunmüddətli həllini tapmaqdır.
"Belə hadisələr nəticəsində insanlar
ölür və yaralanır ki, bunu heç kim istəmir”, - səfir qeyd edib və tərəfləri gərginliyi
azaltmağa çağırıb.
Demokratiyaya sadiq olan ölkə jurnalistləri işinə görə həbs etmir.
Azərbaycanda 10 jurnalistin həbsinə
münasibət bildirən diplomat deyib ki, demokratiyaya sadiq olan ölkə jurnalistləri
işinə görə həbs etmir.
"Bunun niyə burada baş verdiyinə cavab
verə bilmərə. Azad və müstəqil mətbuat demokratiyanın göstəricilərindən biridir.
Biz jurnalistlərin və vətəndaş cəmiyyəti fəallarının həbsindən narahat
olduğumuzu bildirdik. Biz həmçinin ABŞ-ın Azərbaycana yardım və mədəniyyət
proqramlarının təhrif edilməsindən narahat olduğumuzu bildirdik. Bu, bizim
münasibətlərimizə mənfi təsir göstərir”, - Libby bildirib.
Onun sözlərinə görə, bu vəziyyəti düzəltmək
üçün çoxlu imkanlar var, çünki iki ölkənin maraqlarının üst-üstə düşdüyü bir
çox sahələr var və əməkdaşlığın müsbət təcrübəsi var. Bunlar təhlükəsizlik,
enerji və digər sahələrdir.
Bakının Vaşinqtonun antiazərbaycan qüvvələri maliyyələşdirməkdə ittiham etməsindən və ABŞ-ın Ermənistanla sülh müqaviləsi bağlanana qədər rəsmi səfərlərdən imtina etməsindən sonra səfir iki ölkə arasında mövcud münasibətləri necə qiymətləndirir sualını cavablandıran diplomat deyib ki, bəzən bu münasibətlər "heterojen” olub.
ABŞ İlham Əliyevi niyə təbrik etməyib?
Səfir ABŞ-ın İlham Əliyevi 2024-cü il fevralın 7-də keçirilən övbədənkənar preizdent seçkilərində qələbə çalması münasibətilə niyə hələ də təbrik etməyib və ATƏT-in seçkilərə verdiyi qiymətləri təkrarlamaqla
kifayətlənib? sualına cavabında bildirib
ki, ABŞ ATƏT-in hesabatında seçkilər zamanı pozuntularla bağlı ifadə olunan
narahatlığı bölüşür.
ABŞ və Azərbaycan enerji sektorunda əməkdaşlığı davam etdirəcəklər.
ABŞ səfiri həmçinin ABŞ və Azərbaycan əsas
diqqəti bərpa olunan enerji mənbələrinə yönəldərək enerji sektorunda əməkdaşlığı
davam etdirəcəyini də vurğulayıb.
Onun szölərinə görə, Bakı və Vaşinqtonun enerji sektorunda yaxşı əməkdaşlıq
tarixi var.
"Mən bir amerikalı kimi Azərbaycanla Cənub
Qaz Dəhlizi, Bakı-Tbilisi-Ceyhan kimi layihələr vasitəsilə gördüyümüz işlərlə fəxr
edirəm. Azərbaycanda təhlükəsizlik təmin olunub. İndi də biz bərpa olunan
enerji mənbələrinə diqqət yetiririk”, - səfir qeyd edib.
Onun fikrincə, bərpa olunan enerji mənbələrinin
bütün potensialını açmaq üçün Azərbaycan mövcud infrastrukturun genişləndirilməsi
istiqamətində işlər görməlidir.
"Avropa və digər ölkələr yaşıl
iqtisadiyyata keçidi həyata keçirməyə çalışdıqca, yaşıl keçid başa çatana və karbon neytrallığı üzrə hədəflərinə nail
olunmayana qədər, Avropa və digər tərəfdaşlar da Rusiya qazından asılılıqdan
qurtulmağa çalışırlar, Azərbaycan isə müxtəlifliyi və bu müxtəlifliyə görə daha
böyük təhlükəsizliyi təmsil edən mənbə təklif edir”, - səfir
deyib.
O həmçinin Azərbaycanın COP29-a ev sahibliyi etməsinin də
bu il diqqəti ölkəyə yönəldəcəyini
də qeyd edib.
"Azərbaycan bu il COP 29-a ev
sahibliyi edəcək. Mən başa düşdüyümə görə, o, əsasən maliyyələşdirməyə diqqət
yetirəcək. Azərbaycan yaşıl iqtisadiyyata keçidi necə idarə etdiyini nümayiş
etdirə biləcək. Bu baxımdan Azərbaycana çox diqqət yetiriləcək. Azərbaycanın
ölkənin və dünyanın enerji infrastrukturunda öz rolu ilə bağlı yeni baxışını
necə formalaşdıracağı diqq’td’ olacaq”, - ABŞ səfiri bildirib.
N.Təbrizli
www.anews.az
Bizi sosial şəbəkələrdə izləyin !
