"Abşeron" yatağında qaz hasilatının başlayacağı tarix açıqlandı

"Biz xarici neft şirkətləri ilə işi davam etdiririk, biz gələn il istifadəyə veriləcək mövcud və yeni yataqlardan, xüsusən də Abşeron qaz-kondensat yatağından qaz hasilatını artırmağı planlaşdırırıq", - Əliyev cümə günü "Orta dəhliz: geosiyasət, təhlükəsizlik və iqtisadiyyat" beynəlxalq konfransında  çıxığı zamanı deyib. 

Onun sözlərinə görə, birinci mərhələdə Abşeronda hasilat ildə 1,5 milyard kubmetr təşkil edəcək.

"Abşeron” yatağının işlənməsi SOCAR Abşeron (50%) və TOTAL E&P Absheron (50%) tərəfindən yaradılmış Birgə Abşeron Petroleum Əməliyyat Şirkəti (JOCAP) tərəfindən həyata keçirilir. Müqavilə 30 il müddətinə imzalanıb. Müqavilə sahəsi 747 kv. km.

Abşeron bloku Bakıdan 100 km aralıda, 500 metr dərinlikdə yerləşir. 2019-cu ildə SOCAR və TOTAL şirkəti "Abşeron” yatağında dərinliyi 7411 metr olan "ABD-001” istismar-qiymətləndirmə quyusunda qazma işlərini başa çatdırıb. Yatağın ehtiyatları 350-360 milyard kubmetr qaz və 100 milyon ton kondensat təşkil edir və onun işlənməsi mərhələli şəkildə həyata keçiriləcək.

Birinci mərhələdə hasilatın həcmi ildə 1,5 milyard kubmetr təşkil edəcək. Layihə ən yüksək həddə ildə təxminən 5 milyard kubmetr qaz hasil edə bilər. Yataq həmçinin gündəlik təxminən 10 000 barel kondensat hasil edəcək.