“AccessBank”dan bölgələrdəki özünüməşğulluq proqramına dəstək davam edir

Bank, cari layihəni Əmək və Əhalinin Sosial Müdafiəsi Nazirliyi, Azərbaycan Respublikasının Mərkəzi Bankı və Azərbaycan Banklar Assosiasiyası arasında həssas əhali qruplarının özünüməşğulluğuna dəstək sahəsində əməkdaşlığa dair imzalanan memorandumun icrası istiqamətində həyata keçirir.
Qeyd edək ki, özünüməşğulluq proqramı 2020-ci ilin yazında fəaliyyətə başlayıb və 4 bölgəni əhatə edib. "AccessBank” proqram çərçivəsində iyun – iyul aylarında bölgələrdə yaşayan 11 vətəndaşa dəstək olub. Layihə ilin sonunadək digər bölgələrdə də icra olunacaq.
 
"AccessBank” Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 15-i Bakıda, 13-ü bölgələrdə olmaqla, 28 filialı fəaliyyət göstərir. Bankın xidmətləri haqqında məlumat əldə etmək üçün 151 əlaqə mərkəzinə zəng etmək, həmçinin www.accessbank.az saytına, və ya bankın sosial media hesablarına daxil olmaq olar.  
 
 

www.anews.az