Ağdamda kəmdlərin birinin bərpasında Slovakiya şirkəti iştirak edəcək. Bunu Azərbaycan Prezidenti İlham Əliyev Slovakiyanın Baş naziri Robert Fiko ilə danışıqların yekunu üzrə mətbuata açıqlamasında deyib.

"Ağdamın Qərvənd kəndi Slovakiya şirkəti tərəfindən bərpa olunacaq”, - Əliyev deyib. 

Kəndi bərpa edəcək şirkətin hansı olması barəsində hələlik məlumat verilməyib.

Ağdam 2020-ci ilin noyabrında işğaldan azad edilib. İkinci Qarabağ Müharibəsində ən çox zərər çəkmiş rayondur. Müharibəyə qədər Ağdamda 143 min insan yaşayıb.

Prezidentin sərəncamı ilə imzalanan Qarabağa qayıdış proqramı çərçivısində 2026-ci ilə kimi 20 min nəfərin Ağdama köçürülməsi nəzərdə tutulub.

 

Gülnar Nazimqızı