AKP qondarma erməni soyqırımını tanıya bilər? – AÇIQLAMA

Ankara- İrəvan münasibətlərində yeni mərhələnin başlaması barədə xəbər və iddialar var. Davudoğlunun Ermənistana səfərindən sonra Azərbaycanı çətin vəziyyətə salacaq, Türkiyəni isə qarışdıracaq məsələlər gündəmə gəlib."AKP erməni soyqırımı məsələsini tanıya bilər", - bu sözləri Türkiyənin Milliyyətçi Hərəkat Partiyasından Türkiyə Böyük Millət Məclisinin üzvü Oqtay Vural dekabrın 15 -də verdiyi brifinqdə səsləndirib .ANN.Az-a açıqlamasında Türkiyədə fəaliyyət göstərən Qafqaz Strateji Araşdırmalar Mərkəzinin başqanı Hasan Oktay səslənən həmin fikirləri şərh edib.H.Oktay açıqlamasında bildirib ki, Türkiyədə heç bir qurum belə bir yalanı qəbullana bilməz: “Türkiyədə heç bir təşkilati quruluş və dövlət səlahiyyətlisi belə bir mübahisəli və tarixi kökü olmayan mövzunu siyasiləşdirib tanıma imkanına sahib deyil. Davudoğlunun istifadə etdiyi "ədalətli yaddaş" sözü qarşılıqlı tarixi razılıq mənasını ifadə edir. Türkiyədə dövlət ilə problemləri olan müxtəlif siyasilər və cərəyanlar erməni məsələsi üzərindən dövlət ilə hesablaşmağa çalışırlar. Bu səbəbdən, bu cür siyasi və ideoloji cərəyanlara mənsub olanlar zaman-zaman başda erməni problemi olmaqla, ələ keçən hər fürsəti qiymətləndirərək, dövlətlə haq-hesab aparmaq istəyirlər. Məsələn, marksistlər bunların başında gəlir və ermənilər ən çox onlardan yararlanırlar”.O bildirib ki, Ermənistan ilə sırf Qafqaza sülh gətirmək üçün danışıqlar aparmaq, tarixi gerçəkləri görməməzlikdən gəlməyi tələb etmir: “AKP iqtidarını meydana gətirən və ABŞ-dan idarə olunan bəzi islamçı qruplar Türkiyədəki marksist qruplar qarşısında natamamlıq kompleksi yaşadıqlarından, onlarla yarışa bilmək üçün zaman-zaman belə fikirlərə düşürlər. Lakin bütün bu mənfi xüsusiyyətlərinə baxmayaraq, onlar tarixlə hesablaşmaq məsələsində marksistlər qədər radikal ola bilməzlər. Bu səbəbdən AKP iqtidarı sırf marksistlərlə yarışmaq, onların qarşısında natamamlıq komplekslərini yatırtmaq üçün belə tarixi gerçəkləri təhrif etməyə girişə bilməzlər”.H.Oktay deyib ki, əsas olan ermənilərin siyasi istismarının qarşısını almaq və Qafqaza sülh gətirməkdir: “Erməniləri tarixdə kimlər istismar etmişsə, bu gün də onları istismar edənlər başqa maskalar altında səhnədədirlər. Əhəmiyyətli olan ermənilərin istismarının qarşısını almaq və Qafqaza sülh gətirməkdir. Bunu Türkiyə ilə Azərbaycan ortaq strategiyaları ilə gerçəkləşdirə bilərlər. Yox, əgər, birlikdə çalışmayıb bir-birlərinə qarşı gələrlərsə, o zaman Azərbaycan Qarabağı itirmək, Türkiyə də bütün iddiaları qəbul etmək təhlükəsiylə üzləşə bilər. Bu gün AKP hökuməti belə bir yalanla üzləşə biləcək biləcək vəziyyətdə deyil” – deyə H.Oktay bildirib.SeymurANN.Az