Almaniya hökumətinin ortağı, Sosial Demokrat Partiyasının üzvü, partiyanın xarici siyasət məsələləri üzrə sözçüsü Niels Annen "Əgər ABŞ Ukraynaya silah göndərəsə, bu yeni problemlərin yaranacağı deməkdir" - açıqlamasını verib.
ANN.Az xəbər verir ki, bu barədə Almaniyanın "Die Zeit" qəzeti yazıb. Sosial demokratçının sözlərinə görə, Ukraynadakı problem hərbi yolla çözülməyəcək: "İndiyə qədər hərbi yolla bunu həll etmək istədilər, amma bacarmadılar. Bundan sonra da bacarmayacaqlar. Ən optimal yol diplomatik yoldur".
Xatırladaq ki, bir-neçə gün öncə "New York Times" qəzeti hökumətdəki qaynaqlarına istinadə edərək ABŞ-ın xarici işlər naziri Con Kerri və Silahlı Qüvvələrin baş komandanı Martin Dempseyin Ukraynaya silah göndərilməsi məsələsini müzakirə etməyə hazır olduqlarını yazmışdı.
ANN.Az
Bizi sosial şəbəkələrdə izləyin !
