Almaniya azərbaycanlılardan birini deportasiya etmək fikrindən daşınıb

Almaniyada mühacir qalmaqalına görə xeyli azərbaycanlını deportasiya olunmaq təhlükəsi gözləyir. Onlardan 61-i artıq vətənə qaytarılıb. Yenə göndərilənlər ola bilər.

Almaniya mühacir qalmaqalında adı keçən azərbaycanlılardan birini deportasiya etmək fikrindən daşınıb. Bu haqda orada yaşayan soydaşlarımız Bizimyol.info-ya məlumat verib. Hələlik ad açıqlanmır, amma həmin azərbaycanlının saxta sənədlərlə Almaniyaya getdiyi güman olunurdu. Avropa ölkəsində müəyyən araşdırmadan sonra mühacirə bəraət verilib.
Mühacir qalmaqalına görə Müsavat Partiyasının Avropa Koordinasiya Mərkəzinin sədr müavini Mehdi Xəlilbəyli, tanınmış hüquqşünas Əlövsət Əliyev həbs olunub. Onlar Almaniyaya qanunsuz mühacir daşınmasında ittiham edilir.

www.anews.az