Almaniya Tehrana etiraz edib

Almaniya hakimiyyəti iki vətəndaşlığı olan (İran və Almaniya) Camşid Şarmahdın edamı ilə əlaqədar Tehrana etirazını bildirib. Bu barədə Associated Press xəbər verib.

Almaniya səfirini Tehrandan geri çağırılıb.

"İranın Berlindəki işlər üzrə müvəkkili Almaniya Xarici İşlər Nazirliyinə çağırılıb və ona Tehranın hərəkətləri ilə bağlı qəti etiraz bildirilib," – Almaniya Xarici İşlər Nazirliyinin çərşənbə axşamı yaydığı məlumatda deyilir.

İran Ədliyyə Nazirliyinin məlumatına görə, Şarmahd bir gün əvvəl edam edilib. O, terror fəaliyyəti, Mərkəzi Kəşfiyyat İdarəsi (CIA), Federal Təhqiqatlar Bürosu (FBI) və Mossad ilə əməkdaşlıq, həmçinin İran monarxiya təşkilatı ilə əlaqədə olmaqda günahlandırılmışdı.

Şarmahd ABŞ-da yaşayırdı, lakin 2020-ci ildə BƏƏ-də olduğu zaman İran xüsusi xidmət orqanlarının əməliyyatı nəticəsində İrana gətirilib. 

Ona ölüm hökmü 2023-cü ildə çıxarılmış və bunun ardınca Almaniya İrandan iki diplomatını geri çağırmışdı. Hökm 2024-cü ilin aprelində təsdiqlənib.

N.Təbrizli