"Fransalı hicablı idmançıların Olimpiya Oyunlarında iştirakına qadağa qoyulması beynəlxalq insan haqları qanunlarını pozur və Fransa hakimiyyətinin ayrı-seçkilikçi ikiüzlülüyünü və Beynəlxalq Olimpiya Komitəsinin (BOK) həyasız zəifliyini nümayiş etdirir", - məlumatda deyilir.
Fransa idmanda hicab geyinməyə qadağa qoyan yeganə Avropa ölkəsidir ki, bu da FİFA, Beynəlxalq Basketbol Federasiyası və Beynəlxalq Voleybol Federasiyası kimi beynəlxalq idman təşkilatlarının qaydalarına ziddir.
Amnesty-nin Avropa qadın hüquqları üzrə tədqiqatçısı Anne Blus deyib ki, Fransalı qadın idmançıların Olimpiya və Paralimpiya Oyunlarında hicab geyinmələrinin qadağan edilməsi 2024-cü il Oyunlarının ilk "Gender Bərabərliyi Olimpiadası” olacağına dair iddiaları ələ salır.
"Qadınların geyindiyi geyimə nəzarət edən ayrı-seçkilik qaydaları müsəlman qadın və qızların insan hüquqlarının pozulmasıdır və onların idmanda iştirakına dağıdıcı təsir göstərir”, o əlavə edib.
Basketbolçu Hélène Ba Amnesty-yə bildirib ki, Fransanın qadağası "Olimpiya dəyərlərinin və müddəalarının açıq şəkildə pozulması və fundamental hüquqlara hücumdur".
Amnesty təşkilatı mətbuata açıqlamasında bildirib ki, Fransa hakimiyyəti bir neçə ildir ki, müsəlman qadın və qızlara qeyri-mütənasib şəkildə təsir edən qanun və siyasətləri əsaslandırmaq üçün dünyəvilik anlayışlarını silahlandırıb.
Gülnar Nazimqızı
www.anews.az
Bizi sosial şəbəkələrdə izləyin !