Baş nazir Əhməd Davudoğlu "A Haber" televerilişinə qatılıb və Ankara terroru ilə bağlı çıxış edib. Ona verilən "daha 2 bombaçının da olduğu iddia edilir" - sualına belə cavab verib: "Panika yaradan xəbərlərdən hər birimiz təsirlənirik. Amma yaddan çıxarmayaq ki, xalqımızı panikaya sürükləyən hər bir xəbər terrorçuların xeyrinədir, odur ki, hər bir informasiya verilərkən, yaxud sual soruşularkən diqqətli olmaq lazımdır".

Xatırldaq ki, oktyabrın 10-da Türkiyənin paaytaxtı Ankarada terror aktı gerçəkləşdirilib. Hadisə nəticəsində 102 nəfər ölüb. Partlayışla bağlı 11 nəfər şübhəli şəxs qismində saxlanılıb və 4 nəfər barəsində həbs-qətimkan tədbiri seçilib.