Apple rəhbəri şirkət rəhbərliyindən nə vaxt gedəcəyini açıqlayıb
05.12.2024 13:39
Apple-ın baş direktoru Tim Kuk bildirib ki, şirkət rəhbəriyindən daxili səsi ona vaxtın çatdığını dediyi zaman ayrılacaq. Bu barədə o, Wired nəşrinə müsahibəsində bildirib.
Kuk qeyd edib ki, ona tez-tez şirkətin rəhbəri vəzifəsində nə qədər qalacağı barədə suallar verilir. O, işini və işlədiyi yeri çox sevdiyini vurğulayıb.
"Burada olmaq ömür boyu bir imtiyazdır. Mən bunu başımdakı səs ‘Vaxt çatdı’ deyənə qədər edəcəyəm,” - o bildirib.
Şirkətin rəhbəri həmçinin Apple-sız həyatını təsəvvür edə bilmədiyini deyib.
Kuk 1998-ci ildən Apple-da işləyir və 2011-ci ildən şirkətin baş direktoru vəzifəsini tutur. Kuk vəzifəsindən ayrılmağa qərar verdikdə, həyatının "növbəti mərhələsinə" diqqət yetirəcəyini deyib.
Bundan əlavə, Kuk vurğulayıb ki, onun mirası başqaları tərəfindən qiymətləndiriləcək, lakin o, Apple-ın "dünyanı dəyişən inanılmaz məhsulları” ilə xatırlanacağına əmindir.
O, həmçinin bildirib ki, Şimali Karolinaya qasırğa düşdüyü zaman, insanlar mobil şəbəkənin olmadığı şəraitdə cihazlarındakı SOS funksiyasından istifadə edərək peyklə əlaqədə qala biliblər və bunun üçün ona çoxlu təşəkkür mesajları gəlib.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
