Apple yaxın İphone 14-ün təqdimatına hazırlaşır

Şirkətin məlumatına görə,  yeni iPhone 14 və üç yeni Apple Watch saat modelindən başqa "Apple İnc" Mac və iPad-lərin bir neçə yeni versiyasını da təqdim edəcəyini bildirib. 

Yeni Iphone-ların əvvəlki modellərdən nə ilə seçiləcəyinə gəlincə şirkət qeyd edib ki, yeni iPhone-lar təkmilləşdirilmiş kamera ilə təchiz olunacaq. Amma texnoloji  təkmilləşdirmələrin hiss olunmayacaq qədər cüzi olacağı nəzərdə tutulub. Şirkət 5,4 düymlük ekrnı 6,7 düymlük versiya ilə əvəzləməyi də planlaşdırır. 

Apple  2022-ci ilin birinci rübündə iPhone satışından əldə etdiyi gəliri keçən ilin eyni dövrü ilə müqayisədə 39,57 milyard dollardan 40,67 milyard dollara kimi artırıb.  

Analitiklər ümumiyyətlə şirkətin gələcək perspektivləri haqqında müsbət proqnozlar verir.  Belə ki, Credit Suisse şirkətinin eksperti Şennon Kross Apple səhmlərini səmərəli adlandırıb. v

Wedbush şirkətinin analitiki Dan Ives CNBC-yə bildirib ki, Apple məhsullarına tələb gələn il qalxacaq. 

Bununla belə bu  həftənin çərşənbə günü Nyu-York birjasında keçirilən hərracda Apple-ın səhmləri 0,8% ucuzlaşıb.