AQTA 249 müəssisədə nöqsanlar aşkarlayıb
07.06.2024 16:05
Azərbaycan Qida Təhlükəsizliyi Agentliyi 249 müəssisədə nöqsanlar aşkarlayıb. Bu barədə AQTA-da məlumat verilib.
Azərbaycan Qida Təhlükəsizliyi Agentliyi (AQTA) mayın 13-dən etibarən 250 dönər satışı həyata keçirən qida obyektində monitorinqlər keçirib.
Monitorinqlər zamanı qida obyektlərinin sanitar-gigiyenik və sanitar-texniki vəziyyəti qiymətləndirilib. Bir müəssisədə vəziyyət qənaətbəxş hesab olunub, 249 müəssisədə isə bir sıra nöqsanlar aşkarlanıb.
152 müəssisədə götürülən 207 dönər nümunəsində hər hansı uyğunsuzluq aşkarlanmayıb.
Eyni zamanda sınaq nəticəsi uyğunsuz çıxan qida obyektlərində yoxlama aparılması üçün Ədliyyə Nazirliyinin "Yoxlamaların Vahid Məlumat Reyestri”ndən ümumillikdə 30 çıxarış alınıb. Aşkarlanmış nöqsanlarla bağlı 23 müəssisə rəhbərliyi barəsində inzibati tədbir görülüb, nöqsanların aradan qaldırılması ilə bağlı icrası məcburi göstərişlər verilib.
Eyni zamanda qida təhlükəsizliyi sahəsində texniki normativ hüquqi aktların pozulması ilə bağlı bir sıra uyğunsuzluqlar aşkarlanıb ki, bununla əlaqədar 10 müəssisədə işlərin görülməsi və xidmətlərin göstərilməsinin dayandırılması, 5 müəssisədə isə işçi heyətin üzvünün (üzvlərinin) kənarlaşdırılması ilə bağlı məhdudlaşdırıcı tədbirlərin tətbiqi barədə qərarlar qəbul edilib.
www.anews.az
Oxşar xəbərlər
Oxşar xəbərlər
Cəmiyyət
19:04
Müəllimlərin iş yerinin dəyişdirilməsi müsabiqəsi üzrə vakansiya seçiminin nəticələri elan olunub
Cəmiyyət
19:00
Sərnişinlər ödəniş qəbzlərində marşrut xəttini və ya metro stansiyasını görə biləcəklər
Cəmiyyət
16:42
Milli Məclisin növbədənkənar sessiyasının ilk iclasının tarixi və gündəliyi məlum olub
Foto 
Video 
