“Asan imza” xidməti “Nar Mobile” ilə daha da asanlaşdı

Abunəçilər artıq paytaxt və Sumqayıtdakı bütün “Nar Mobile” xidmət mərkəzlərində «Asan imza» mobil elektron imza xidmətindən yararlana biləcəklər.“Nar Mobile” mobil operatoru “Asan imza” mobil elektron imza xidməti göstərən mağazalarının sayını artırdı. Belə ki, abunəçilər artıq Bakı şəhərindəki bütün “Nar dünyası” mağazalarında, eləcə də Sumqayıtdakı hər iki mağazada “Asan imza” xidmətindən yararlana biləcəklər. Bundan başqa, Azərbaycan Respublikası Vergilər nazirliyinin Bakı şəhəri Mirəli Qaşqay küçəsi 56 ünvanda yerləşən “195” çağrı mərkəzində, eləcə də Bakı şəhəri Sabunçu rayonunda fəaliyyət göstərən “Asan xidmət-4” mərkəzində də “Asan imza” xidmətindən yararlanmaq mümkün olacaq.Qeyd edək ki, “Asan imza” elektron xidmətlərdə avtorizasiya və elektron sənədlərin imzalanması baxımından rahat, etibarlı və təhlükəsiz bir alətdir. “Asan imza” mobil elektron imza texnologiyasının açar üstünlükləri smart-kartın oxunması üçün əlavə qurğuların və proqram təminatının istifadəsinə ehtiyacın olmamasıdır. Xidmətin istifadəsi üçün autentifikasiya və elektron imza rəqəmsal açarlarının saxlanıldığı SIM-karta əsaslanan mobil telefonun mövcudluğu kifayətdir.Əlavə məlumatı www.narmobile.az və www.asanimza.az saytlarında əldə etmək mümkündür.ANN.Az