AŞPA qış sessiyasının gündəliyi açıqlandı

2014-cü il yanvarın 27-31-də Avropa Şurası Parlament Assambleyasının növbəti qış sessiyası keçiriləcək.APA-nın AŞPA mətbuat xidmətinə istinadən yaydığı xəbərə görə, sessiyada AŞPA prezidenti və vitse-prezidentlər seçiləcək, AŞPA prezidenti Jan Klod Minyon tərəfindən qurumun Bürosu və Daimi Komitəsinin fəaliyyəti haqda hesabat veriləcək, Avropa Parlamentinin prezidenti Martin Şults və Avstriya kansleri Verner Faymanın çıxışları olacaq. Parlamentarlar Avropada irqçilik və qeyri-tolerantlığın qarşısının alınması, yeni informasiya texnologiyalarının demokratiyaya təsiri, suriyalı qaçqınlar problemi, miqrasiya, iqlim dəyişiklikləri və enerji diversifikasiyası məsələləri müzakirə olunacaq. ANN.Az