ATƏT DTİHB prezidentliyə namizədlərin İlham Əliyevə alternativ olmadığını bildirib
08.02.2024 15:41
2024-cü il fevralın 7-də keçirilən prezident seçkilərində fəaliyyətdə olan prezident İlham Əliyevdən başqa iştirak edən digər altı namizəd faktiki olaraq ona qarşı alternativ mövqe sərgiləməyib. Bu barədə ATƏT PA və ATƏT DTİHB-in birgə bəyanatında bildirilib.
"Seçki kampaniyası ciddi ictimai iştirakdan məhrum idi və rəqabətli deyildi, bu da kampaniyanın başından sonuna kimi müşahidə olunub. Kampaniyada daha altı namizəd iştirak etsə də, onların heç biri öz kampaniyalarında hazırkı prezidentin siyasətinə inandırıcı şəkildə etiraz etməyib. Bu da seçiciləri real siyasi alternativlərdən məhrum edib”- bəyanatda bildirilib.
ATƏT DTİHB-nin seçki müşahidə missiyasına rəhbərlik edən Eoqan Mörfi bildirib ki, ölkə üçün vacib olan bu seçkidə heç bir namizəd hazırkı prezidentə etibarlı problem yaratmayıb ə bəzi müxalifət partiyaları adekvat demokratik şəraitin olmadığı səbəbindən ümumiyyətlə seçkidə iştirak etməyib.
Azərbaycanda keçiriləcək növbədənkənar prezident seçkiləri ilə bağlı beynəlxalq müşahidə missiyası 42 ölkədən ümumilikdə 335 müşahidəçi, o cümlədən 256 ATƏT DTİHB-nin ezam olunmuş ekspertləri müşahidə edib.
Mətanət Abbas
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
