Auditorlar Palatasının mənfəəti azalıb
30.08.2024 17:51
Auditorlar Palatası 2023-cü ildə 2022-ci il ilə müqayisədə 54,3% az mənfəət əldə edib.Palatanın ümumi mənfəəti 0,16 milyon manat təşkil edib. Bu barədə Auditorlar Platasının 2023-cü ilin yekunları ilə bağlı açıqladığı maliyyə hesabatında bildirilib.
Hesabat dövründə qurum 1,33 milyon manat gəlir əldə edib.
Onun xərcləri isə 1,17 milyon manat olub.
Bu ilin əvvəlinə Auditorlar Palatasının aktivləri ötən ilin əvvəlinə nisbətən 13,2% artaraq 1,24 milyon manat təşkil edib.
Qurumun öhdəlikləri 8,7% azalaraq 0,02 milyon manat, balans kapitalı isə 13,9% artaraq 1,22 milyon manat olub.
Azərbaycan Respublikası Auditorlar Palatası Azərbaycan Respublikası ərazisində auditor xidmətinin dövlət tənzimlənməsini təşkil etmək, bu sahədə olan və Azərbaycan Respublikasında auditor xidmətinin inkişafına və təkmilləşdirilməsinə yönəlmiş normativ aktların layihələrini, tədbirlər sistemini hazırlamaq , dövlətin, təsərrüfat subyektlərinin və auditorların (auditor təşkilatlarının) mənafelərini müdafiə etmək, öz fəaliyyətində Qanundan, digər qanunvericilik və normativ hüquqi aktlardan irəli gələn tələblərə auditorlar (auditorlar təşkilatları) tərəfindən riayət edilməsinə nəzarət etmək məqsədilə yaradılıb.
Azərbaycan Respublikasının Auditorlar Palatası müstəqil maliyyə nəzarəti orqanıdır.
Palata 1996-cı ilin aprelindən fəaliyyət göstərir.
N.Təbrizli
www.anews.az
Foto 
Video 
