Avropa diplomatiyasının rəhbəri Cosep Borel Avropa Komissiyası ilə birlikdə Rusiyaya qarşı yeni sanksiyalar paketinin layihəsini Avropa İttifaqı Şurasına təqdim edib.

Bu barədə Avropa Xarici Fəaliyyət Xidmətinin mətbuat xidməti məlumat yayıb.

Borelin sözlərinə görə, yeni paketə digər məsələlərlə yanaşı, 120 fiziki və hüquqi şəxsə qarşı şəxsi sanksiyalar, ixrac və idxala yeni məhdudiyyətlər, həmçinin neftin qiymətinin yuxarı həddi ilə bağlı tədbirlər və mövcud sanksiyalardan yan keçən məsələlər daxildir.