Sənədi 489 deputat dəstəkləyib, 36 deputat əleyhinə səs verib, 49 deputat bitərəf qalıb.
Aİ-Ukrayna sammiti fevralın 3-də keçiriləcək. Avropa Parlamentinin xarici siyasət məsələləri ilə bağlı qətnamələri hüquqi qüvvəyə malik deyil, lakin digər Avropa qurumları Avropa Parlamentinin deputatlarının rəyini dinləməlidir.
Deputatlar, xüsusilə, "Avropa İttifaqı bazarlarında hələ də mövcud olan "Lukoyl” və "Rosatom” şirkətlərinə məhdudiyyətlərin qoyulmasına, "Rusiya almazlarının işlənmiş və emal olunmamış formada birbaşa və dolayı idxalını, alışını və transferini məhdudlaşdırmağa” çağırıblar.
Avropa Parlamenti "Rusiyadan Aİ-yə qalıq yanacaq idxalına dərhal və tam embarqonun qoyulması” zərurətini elan edib, Aİ Şurasını "beynəlxalq tərəfdaşlarla əməkdaşlıqda Rusiya neftinin qiymətlərinin yuxarı həddini azaltmağa” çağırıb.
2022-ci ilin fevralın 24-də Rusiya prezidenti Putin Ukraynada hərbi əməliyyatlar keçirilməsi barəsində fərman imzalayıb. Bugün Ukrayanda davam edən hərbi əməliyyatların 344-cü günüdür. Bu dövr ərzində Amerika və Avropanın bir çox ölkələri Rusiyadakı iş adamlarına və ölkəyə 9 sərt sanksiyalar paketi tətbiq ediblər. Müharibədən sonra dünyaca brend olan bir çox şirkətlər də Rusiya bazarından çıxıb. Sanksiyalara baxmayaraq Rusiya əməliyyatları dayandırmaqdan geri çəkilməyib.
Gülnar
www.anews.az
Bizi sosial şəbəkələrdə izləyin !
