Onun sözlərinə görə, TAP vasitəsilə Azərbaycanın Avropaya göndərdiyi qazın həcminin 1,2 milyard artırılması barədə razılıq əldə edilib.
Nazir həmçinin bildirib ki, 2024-cü il iyunun 4-də təməl daşının qoyulduğu 3 bərpa olunan enerji resursları hesabına işləyəcək elektrik stansiyası sistemə 1 Gvt elektrik enerjisi verəcək. Toplam tikiləvək stansiyalar isə bu bərpa olunacaq enerji hesabına işləyən stansiyalar hesabına sistemə əlavə 2 Qvt enerji verməyə imkan yaradacaq.
Nazirin sözlərinə görə, şərqi Zəngəzur və Qarabağda tikiləcək yaşıl enerji stansiyaları bu regionun elektrik enerjisinə olan ehtiyacı ödəməyə imkan verəcək. Bu regionda yaradıan sistemin gələcəkdə bütün ölkə ərazisində tətbiq ediləcək.
"Məqsədimiz, 30 il əvvəl olduğu kimi, dəyişməz olaraq qalır. Bu da enerji təhlükəsizliyini təmin etməkdir”, - nazir deyib.
Nazir həmçinin qeyd edib ki, Azərbaycan bərpa olunan elektrik enerjisi mənbələrinin inkişafı və yaşıl enerjinin Avropaya ixracı üçün dəhlizlərin yaradılması üzərində işləyir.
"Bu kontekstdə qeyd etmək istərdim ki, bu layihəni həyata keçirmək üçün Azərbaycan, Gürcüstan, Macarıstan və Rumıniya da bu layihəyə maraq göstərir. Bu layihənin texniki-iqtisadi əsaslandırılmasının nəticələri məlum olacaq”, - nazir bildirib. Şahbazov əlavə edib ki, Azərbaycan-Naxçıvan-Türkiyə-Avropa yaşıl enerji dəhlizinin yaradılması istiqamətində də işlər aparılır.
"Bundan başqa, Mərkəzi Asiya regionundan Azərbaycan vasitəsilə Avropaya yaşıl enerjinin nəqlinin təşkili istiqamətində işlər aparılır ki, bu da Azərbaycanın Avropanı enerji resursları ilə təchiz edən ölkə kimi mövqeyini gücləndirəcək”, - nazir deyib.
N.Təbrizli
www.anews.az
Bizi sosial şəbəkələrdə izləyin !
