Avtobuslarda gediş haqqının nağd ödənilməsi dayandırılır

Azərbaycanda gələn ilin martından etibarən avtobuslarda ödəniş yalnız kartlarla həyata keçiriləcək. ANN.Az-ın ANS TV-yə istinadən yaydığı məlumata görə, bunu Nəqliyyat Nazirliyi katibliyinin müdiri Namiq Həsənov deyib:

“Elektron ödənişə keçib, nəğd ödənişi tamamilə aradan qaldırmaq istəyirik. Bununla bağlı konkret təkliflərimiz var. Avtobusların çoxunda artıq bu validatorlar quraşdırılıb. Hədəfimiz odur ki, martın 1-dən ödənişləri yalnız kart sistemi ilə həyata keçirək. Çünki şəhərə minlərlə qonaq gələcək. Gələn qonaqlar rahatlıqla bu kartlardan istifadə etsinlər”.

O həmçinin Avropa Oyunları ərəfəsində Bakıya gətirilən yeni avtobuslara da həmin validatorlardan qurlaşdırılacağını bildirib.

ANN.Az